🔵 مارڤان و ئەژدەرھا
مارڤانەک ل زڤستانێ ژ بۆ گرتنا ماران چوو چییایێ. د ناڤ بەرفان دا، ئەژدەرھایەکی مەزن و مری دیت. دەستپێکێ ئەو گەلەک ترسییا لێ دەما کو دیت ئەژدەرھا مرییە بریار دا کو وی ببە باژارێ بەخدایێ داکو گەل مات بمینن و ژ وان را ببێژە کو وی ب دشواری ئەو گرتییە و مەترسییەکە مەزن ژ سەرێ رێیا وان ھلانییە و پشترا ژبەر وی کاری ژ وان را پەرەیان بستینە.
وی ئەژدەرھایێ ل سەر ئەردێ ب ھێدیکا کشاند و ھەتا بەخدایێ ئانی. گومانا ھەمی کەسان ئەو بوو کا مار مرییە لێ ئەو ب راستی نەمریبوو و تەنێ ژبەر سەرمایێ جەمدیبوو لۆما مینا ئەژدەرھایەکی مری ژ جھێ خوە نەدلڤی.
مارڤان ھات بەر چەمێ کو ئەژدەرھا نیشانی گەلی بدە. گەل ژ ھەر ئالییێ د دۆرا وی دا کۆم بوون. ئەو سکنی داکو گەلەک کەس کۆم ببن و ئەو بکارە پەرەیێن پڕ بستینە. وی ئەژدەرھا د بن نڤین و خالییەکێ دا ڤەشارتبوو و ژ بۆ بالدارییا پرتر وەریسەکی د دۆرا وی دا ب خورتی گرێدابوو. ھەوا بوو گەرم و جەمەدێن لەشێ مێر ئاڤ بوون. ئەژدەرھا لڤییا، گەل ترسییان و رەڤین، ئەژدەرھی وەریس دراند و ژ بن نڤین و خالییێ دەرکەت. مارڤان ژ ترسێ د جھێ خوە دا ھشک ما و ژ کارێ خوە پۆشمان بوو. ژ نشکێ ڤا ئەژدەرھایی مارڤان کرە پارییەکێ و ئەو خوار. ھنگا د دۆرا دارەکێ دا کۆکەل خوار(پێچییا) داکو ھەستییێن مارڤێن د زکێ وی دا ھوور ببن...
#نوکتە: 
دنیا ژی مینا ئەژدەرھایی ژ روو دا بێجان و بێرەنگە لێ ژ ناڤ دا نەمری و جاندارە و ئەگەر فەرسەندەکە وێ ھەبە زندە دبە و مە دخوە.

 

🔵 Marvan û Ejderha
Marvanek li zivistanê ji bo girtina maran çû çîyayê. Di nav berfan da, ejderhayekî mezin û mirî dît. Destpêkê ew gelek tirsîya lê dema ku dît ejderha mirîye biryar da ku wî bibe bajarê Bexdayê daku gel mat bimînin û ji wan ra bibêje ku wî bi dişwarî ew girtîye û metirsîyeke mezin ji serê rêya wan hilanîye û piştra jiber wî karî ji wan ra pereyan bistîne.
Wî ejderhayê li ser erdê bi hêdîka kişand û heta Bexdayê anî. Gumana hemî kesan ew bû ka mar mirîye lê ew bi rastî nemirîbû û tenê jiber sermayê cemidîbû loma mîna ejderhayekî mirî ji cihê xwe nedilivî.
Marvan hat ber çemê ku ejderha nîşanî gelî bide. Gel ji her alîyê di dora wî da kom bûn. Ew skinî daku gelek kes kom bibin û ew bikare pereyên pirr bistîne. Wî ejderha di bin nivîn û xalîyekê da veşartibû û ji bo baldarîya pirtir werîsekî di dora wî da bi xurtî girêdabû. Hewa bû germ û cemedên leşê mêr av bûn. Ejderha livîya, gel tirsîyan û revîn, ejderhî werîs dirand û ji bin nivîn û xalîyê derket. Marvan ji tirsê di cihê xwe da hişk ma û ji karê xwe poşman bû. Ji nişkê va ejderhayî marvan kire parîyekê û ew xwar. Hinga di dora darekê da kokel xwar(pêçîya) daku hestîyên marvên di zikê wî da hûr bibin...
#Nukte: 
Dinya jî mîna ejderhayî ji rû da bêcan û bêreng e lê ji nav da nemirî û candar e û eger fersendeke wê hebe zinde dibe û me dixwe.

Bêjeyên dijwar: واژه های دشوار👇
Ejderha: اژدها
Biryar dan: تصمیم گرفتن
Gel: مردم
Piştra: سپس
Pere: پول
Bi hêdîka: به آرامی
Cemed: یخ
Cemidîn: یخ زدن
Çem: رودخانه
Kom bûn: جمع شدن
Daku: تا اینکه
Gelek: خیلی
Nivîn: فرش
Baldarî: دقت، احتیاط
Xurt: محکم
Kokel xwarin: پیچ خوردن
Fersend: فرصت

Wergêr; #Birêz_Mihemed_Teqevî

 

🔵 مارگیر و اژدها
مارگیری در زمستان به کوهستان رفت تا مار بگیرد. 
در میان برف، اژدهای بزرگ مرده‌ای دید. ابتدا خیلی ترسید، امّا وقتی دید اژدها مرده است، تصمیم گرفت آن را به شهر بغداد بیاورد تا مردم تعجب کنند، و بگوید که اژدها را من با زحمت گرفته‌ام و خطر بزرگی را از سر راه مردم برداشته‌ام و پول از مردم بگیرد! 
او اژدها را کشان کشان تا بغداد آورد. 
همه فکر می‌کردند که اژدها مرده است. اما اژدها زنده بود ولی در سرما یخ زده بود و مانند اژدهای مرده بی‌حرکت بود. 
مارگیر به کنار رودخانه بغداد آمد تا اژدها را به نمایش بگذارد، مردم از هر طرف دور از جمع شدند. 
او منتظر بود تا جمعیت بیشتری بیایند و او بتواند پول بیشتری بگیرد. اژدها را زیر فرش و پلاس پنهان کرده بود و برای احتیاط آن را با طناب محکم بسته بود. هوا  گرم شد و آفتابِ عراق، اژدها را گرم کرد یخهای تن اژدها باز شد، اژدها تکان خورد، مردم ترسیدند، و فرار کردند، اژدها طنابها را پاره کرد و از زیر پلاسها بیرون آمد. مارگیر از ترس برجا خشک شد و از کار خود پشیمان گشت. ناگهان اژدها مارگیر را یک لقمه کرد و خورد. آنگاه دور درخت پیچید تا استخوانهای مرد در شکم اژدها خُرد شود.
#نکته: دنیا هم مثل اژدها در ظاهر فسرده و بی‌جان است اما در باطن زنده و دارای روح است و اگر فرصتی پیدا کند, زنده‌‌ می‌شود و ما را می‌خورد