مھەمەد تەقەڤی

🔴 مەلەنەسرەدین وو درووشم

مەلەنەسرەدین کۆمۆنیست ببوو.
ژێ ھات پرسین: مەلە تو واتەیا کۆمۆنیسمێ دزانی؟
گۆت: دزانم
ژێ ھات پرسین: دزانی ئەگەر دو ماکینێن تە ھەبن وو کەسەکی دن ت ماکینێن ووی تونەبن، تو نەچاری یەک ژ وان بدی وی؟
گۆت: ئەرێ
دیسا ھات پرسین: دزانی ئەگەر دو کەرێن تە ھەبن دڤێ یەک ژ وان بدی کەسی کو کەرێ وی تونەیە؟
گۆت: نا ئەز ڤێ یەکێ ناپەژرم.
ھات گۆتن: چما؟ ئەڤ کو ھەمان مەنتقە!
گۆت: ژ بەر کو نھا دو کەرێن من ھەنە لێ دو ماکینێن من کو تونەنە!

🔔 پەند: گەلەک کەسان ل سەر درووشمێن خوە ھەتا وێ دەمێ دسەکنن کو بەرژەوەندییێن وان نەکەڤن خەتەرێ.
پەیڤێن دژوار:
درووشم: شعار
واتە: معنی
ماکین: ماشین
نەچار: مجبور، ناچار
نەپەژرین: مخالفت کردن
بەرژەوەندی: منفعت



🔴 Melenesredîn û dirûşm

Melenesredîn komonîst bibû.
Jê hat pirsîn: Mele tu wateya komonîsmê dizanî?
Got: Dizanim
Jê hat pirsîn: Dizanî eger du makînên te hebin û kesekî din ti makînên wî tunebe, tu neçar î yek ji wan bidî wî?
Got: Erê
Dîsa hat pirsîn: Dizanî eger du kerên te hebin divê yek ji wan bidî kesî ku kerê wî tuneye?
Got: Na ez vê yekê napejirim.
Hat gotin: çima? Ev ku heman mentiq e!
Got: Ji ber ku niha du kerên min hene lê du makînên min ku tunene!

🔔 Pend: gelek kesan li ser dirûşmên xwe heta wê demê disekinin ku berjewendîyên wan nekevin xeterê.

🔴 ملانصرالدین و شعار

ملا نصرالدين كمونيست شده بود از او پرسيدند : ملا ميدونى كمونيسم يعنى چه؟
گفت : ميدانم

گفتند :ميدانى اگر دو تا اتومبيل داشته باشی و يكى ديگر اتومبيل نداشته باشد، ناچار خواهى بود يكى از آن دو را بدهى !؟
گفت : بله

گفتند : ميدانى اگر دو تا الاغ داشته باشی بايد يكى را بدهى به كسى كه الاغ ندارد
گفت : نه! با اين مخالفم!
گفتند : چرا اين كه همان منطق است
گفت : چون من الان دو تا الاغ دارم ولى دو تا اتومبيل که ندارم!

پند: بسيارى از مردم تا زمانى به شعارهاى زيبايشان پایبند هستند كه منافع خودشان درخطر نباشد
@bumavaz